ուրբաթ, նոյեմբեր 15
15 / 11 / 2019
Ստատիստիկ տվյալները ցույց են տալիս,որ Հայաստանի անտառների պահպանությանն ուղղված քաղաքականությունը արդյունավետ է․ Փաշինյան

Ստատիստիկ տվյալները ցույց են տալիս,որ Հայաստանի անտառների պահպանությանն ուղղված քաղաքականությունը արդյունավետ է․ Փաշինյան

2019 թվականին 2017-ի համեմատ փայտածուխի ներկրումը Հայաստան աճել է 6.2 անգամ, կամ ավելի քան 500 տոկոսով: Ներմուծող ընկերությունների թիվը աճել է 22.6 տոկոսով (2017-ին 53 ընկերություն, 2018-ին 65 ընկերություն): Այս մասին իր ֆեյսբուքյան էջում գրել է ՀՀ վարչալետ Նիկոլ Փաշինյանը։ 

Ինչ վերաբերվում է շինափայտին, նշել է նա, 2019 թվականի տասը ամիսների կտրվածքով ներմուծվել է նույնքան շինափայտ, ինչ ողջ 2018 թվականի ընթացքում: Իսկ 2017-ի ամբողջ տարվա համեմատ այս տարվա տասը ամիսներին ավել է ներկրվել 77 տոկոսով ավելի շինափայտ, իսկ ներմուծող ընկերությունների թիվը ավելացել է 51.4 տոկոսով կամ 70 ընկերությունով՝ 206 ընկերություն նախկին 136-ի փոխարեն:

"Այս թվերը նշանակում են, որ Հայաստանի անտառների պահպանությանն ուղղված մեր քաղաքականությունը արդյունավետ է: Այդ թվում՝ կարողացել ենք հաղթահարել վերը նշված շուկաներում մենաշնորհային դրսեւորումները",- ընդգշել է վարչապետը:

  • Կիսվել: