կիրակի, մարտ 29
29 / 3 / 2020
Անգամ Շումախերը խախտում կաներ. Զոհրաբյան

Անգամ Շումախերը խախտում կաներ. Զոհրաբյան

ԱԺ ԲՀ խմբակցության պատգամավոր Նաիրա Զոհրաբյանը համոզված է, որ մինչեւ բալային համակարգը ներդնելը անհրաժեշտ էր նախ լուծել Երեւանի փողոցների կահավորման եւ կենտրոնի բեռնաթափման խնդիրը: Այս մասին նա ասաց այսօր՝ «Բարգավաճ Հայաստան» խմբակցության նախաձեռնած «Ճանապարհային երթեւեկության արդիական խնդիրները եւ դրանց լուծման ուղիները» թեմայով խորհրդարանական լսումների ժամանակ:

Զոհրաբյանն ասաց. «Կողմնակից կլինեմ, որ արբած ղեկին նստելու դեպքում պատժաչափը, որ սահմանված է օրենքի նախագծով, շատ ավելի խստացվի, կողմ կլինեմ, որ մենք քվեարկենք անգամ արբած ղեկին նստելու դեպքում, միտումնավոր արագություն գերազանցելու դեպքում ընդհուպ քրեական պատասխանատվության հարցը: Բայց երբ ունենք չկահավորված փողոցներ, երբ բացարձակապես հաշվարկված չեն քաղաքի ճանապարհային առանձնահատկությունները.... Թամանյանը այստեղ լիներ, մազերը բիզ-բիզ կկանգնեին. քաղաքը նախատեսված չէ այսքան մեքենաների համար: Սա շատ պարզ է, եւ անգամ Շումախերը լիներ, ուղղակի չէր կարողանալու այնպես անել, որ ոչ միտումնավոր որեւէ խախտում չաներ»:

Նա ասաց նաև, որ այստեղ հարկավոր է շտկումներ անել՝ հետեւելով միջազգային փորձին:

  • Կիսվել: