կիրակի, դեկտեմբեր 8
8 / 12 / 2019
ԱՄՆ դեսպանը վերահաստատել է Երևանի հետ համագործակցելու՝ դեսպանության պատրաստակամությունը

ԱՄՆ դեսպանը վերահաստատել է Երևանի հետ համագործակցելու՝ դեսպանության պատրաստակամությունը

Երևանի քաղաքապետ Հայկ Մարությանն ընդունել է Հայաստանի Հանրապետությունում Ամերիկայի Միացյալ Նահանգների արտակարգ և լիազոր դեսպան Լին Թրեյսիին, տեղեկացնում են Երևանի քաղքապետարանի տեղեկատվության և հասարակայնության հետ կապերի վարչությունից: 

Ողջունելով հյուրին՝ քաղաքապետ Մարությանը գոհունակություն է հայտնել Երևանի քաղաքապետարանի և Միացյալ Նահանգների դեսպանության միջև առկա կոնկրետ ծրագրերի ընթացքից և արդյունքներից: Հայկ Մարությանը պատրաստակամություն է հայտնել հնարավորինս նպաստել դրանց շարունակականության ապահովմանն ու ընդլայնմանը:

Իր հերթին դեսպան Լին Թրեյսին նշել է, որ Միացյալ Նահանգները շարունակում է աջակցել տեղական ինքնակառավարման ամրապնդմանը Հայաստանում։

«Ուրախ էի, որ առիթ ունեցա հանդիպել Ձեզ և վերահաստատել Երևան քաղաքի հետ համագործակցելու ԱՄՆ դեսպանության պատրաստակամությունը»,- ասել է ՀՀ-ում ԱՄՆ դեսպանը։

Զրուցակիցները քննարկել են համագործակցության մի շարք ուղղություններ:

  • Կիսվել: